കര്‍ക്കിടകത്തിലെ കറുത്ത മേഘങ്ങള്‍ ചിങ്ങമാസത്തിന്റെ സുന്ദര മേഘങ്ങള്‍ക്ക് വഴി മാറാന്‍ മടിച്ചു നില്‍ക്കുന്ന ഈ പുലരിയില്‍ ചിങ്ങം പിറക്കുന്നു. ഇത് പ്രകൃതിയുടെ നിയോഗം. മഴ ചാറ്റലായി പെയ്തു കൊണ്ടേയിരിക്കുന്നു, ഒരു തുള്ളി പോലും മുറിയാതെ. നെറ്റിയിലെ ചന്ദനക്കുറി മായ്ച്ചു കളഞ്ഞാല്‍ എനിക്കിത് സാധാരണ ദിവസം. ഓഫീസിലേയ്ക്കുള്ള വഴിയില്‍ അങ്ങിങ്ങായി കസവ് സാരിയുടുത്ത പെണ്‍കുട്ടികളെ കാണാമായിരുന്നു. ഇന്ന് അവര്‍ കൂടുതല്‍ സുന്ദരികളാണ്.