Saturday, September 22, 2012

ഞാനൊരു ഫാക്ടറി ഉടമയായി!!!!

അങ്ങനെ ഞാനും ഒരു വ്യവസായിയും ഫാക്ടറി ഉടമയും ആയി.


ഇന്നലെ, മന്‍മോഹന്‍ ജി പറഞ്ഞത് കേട്ടില്ലേ?  ഡീസല്‍ കാറുകള്‍ ഉപയോഗിക്കുന്നവര്‍ വലിയ വ്യവസായികളും ഫാക്ടറി ഉടമകളും ആണത്രേ!! 

അവര്‍ക്ക് ഡീസല്‍ വില വര്‍ധന ബാധകമാവില്ലെന്നും, അവരെ നില നിര്‍ത്താന്‍ സബ്സിഡി ആവശ്യമില്ലെന്നും അദ്ദേഹം മൊഴിഞ്ഞിട്ടുണ്ട്. 

ലോണ്‍ എടുത്തു കാര്‍ വാങ്ങിയ ഫാക്ടറി ഉടമകള്‍ക്കും വ്യവസായികള്‍ക്കും ലോണ്‍ തിരിച്ചടയ്ക്കണ്ട എന്നൊരു നിയമം കൂടി കൊണ്ട് വരുമോ സാറേ? 


Friday, September 21, 2012

മുലായം സിംഗ് ഒരു പാവമാണ്!!!!

മുലായം സിംഗ് യാദവ് ഒരു പാവം മനുഷ്യനാണ്. 

സ്വന്തം മകന് അധികാരത്തിന്റെ കിരീടവും ചെങ്കോലും കൈമാറി ദില്ലിയ്ക്ക് പറന്നപ്പോള്‍ ജനം പറഞ്ഞു, രാഷ്ട്രീയത്തിന്റെ പുതിയ മേച്ചില്‍പ്പുറങ്ങള്‍ തേടിയുള്ള പുറപ്പാടാണെന്ന്. 
അദ്ദേഹം ഒന്നും മിണ്ടിയില്ല. 
ഇത്രയും നാള്‍ ഉത്തരപ്രദേശത്തെ സാധു ജന്മിമാരെ സഹായിച്ചതു പോലെ രാഷ്ട്ര തലസ്ഥാനത്ത് തന്റെ സഹായം ആവശ്യമുള്ളവരെ തേടിയായിരുന്നു ആ യാത്ര. 

മഹാരാഷ്ട്ര നവ നിര്‍മാന്‍ സേനയുടെ ദേശിയ സമ്മേളനം ബീഹാറിലെ പാട്നയില്‍ വെച്ച് നടത്തുന്നത് പോലെ, അല്ലെങ്കില്‍, റഷ്യന്‍ അറ്റോമിക് കമ്പനികളുടെ ബോര്‍ഡ്‌ മീറ്റിംഗ് കൂടംകുളത് വെച്ച് നടത്തുന്നത് പോലെ സ്വന്തം പാര്‍ട്ടിയുടെ സമ്മേളനം കൊല്‍ക്കത്തയില്‍ വെച്ച് നടത്തിയപ്പോഴും സൊ കാള്‍ഡ് ജനം അദ്ദേഹത്തിന്റെ  ഉദേശ്യ ശുദ്ധിയെ ചോദ്യം ചെയ്തു. മമതയുമായി ചേര്‍ന്ന് പാവം മന്‍മോഹന്‍ ജിയ്ക്ക് പണി കൊടുക്കാനുള്ള പരിപാടിയാണെന്ന് പറഞ്ഞു പരത്തി. 

എന്നാല്‍, അതെല്ലാം വെറുതെയായിരുന്നു എന്ന് ഇപ്പോള്‍ മനസിലായില്ലേ. ഒരു മമതയുമില്ലാതെ ദിദി ഇറങ്ങി പോയപ്പോള്‍, പാവം മന്മോഹനും സോണിയജിയ്ക്കും താങ്ങായി മുലായം എത്തി. രാജ്യത്ത് ഇടക്കാല തിരഞ്ഞെടുപ്പ് വരുന്നത് ഒഴിവാക്കാനും, വര്‍ഗീയ ശക്തികള്‍ അധികാരത്തില്‍ വരുന്നത് തടയാനുമാണ് മുലായം ജി രണ്ടാം യു.പി.എ യ്ക്ക് പിന്തുണ നല്‍കുന്നത്. അല്ലാതെ, ശത്രുക്കള്‍ പറയുന്നത് പോലെ, സി.ബി.ഐ അന്വേഷണത്തെ പേടിച്ചിട്ടല്ല. 

ഇതാണ് ഞാന്‍ ആദ്യമേ പറഞ്ഞത്, മുലായം ഒരു പാവമാണ്..., അദ്ദേഹം ഇപ്പോഴും താഴെക്കിടയിലുള്ള ആളുകളുടെ കൂടെയാണ്.  പെട്ടിയും കിടക്കയും എടുത്ത് കൊല്‍ക്കത്താക്കാരി തന്റെ പിള്ളേരെയും വിളിച്ചു ഇറങ്ങി പോയപ്പോള്‍, ഭൂരിപക്ഷം നഷ്ടമായ യു.പി.എ സര്‍ക്കാരിനു പിന്തുണയുമായി മുലായം വന്നത് അത് കൊണ്ട് കൂടിയാണ്.

എല്ലാവരും അദേഹത്തെ വെറുതെ തെറ്റിദ്ധരിച്ചു..

തടയണ

ഒരിക്കല്‍ നാം തണലിനായി കൊതിക്കും,
വെള്ളത്തിനായ്‌ കേഴും.
അന്നീ ഭൂമി, അതുണ്ടെങ്കില്‍, 
തുരന്നു മാന്തി,
പണ്ടെങ്ങോ മറവു ചെയ്ത മരങ്ങളുടെ 
അസ്ഥികള്‍, തോണ്ടിയെടുത്തു തടയണ പണിയാം.
എങ്ങാനും മഴ പെയ്താല്‍.....
വെള്ളം ഒഴുകിയാല്‍.......
തടഞ്ഞു നിര്‍ത്തി, കോരിക്കുടിച്ച്, ദാഹം തീര്‍ക്കാം.
അതിനിപ്പോഴേ സ്വപ്നം കാണാം...!

ഗാന്ധി തൊപ്പി വെച്ചവരും പണി തരും

ആശിര്‍വാദ് സിനിമയുടെ പുതിയ സിനിമയുടെ പൂജയുടെ തലേന്നാള്‍, ലാലേട്ടന്‍ പടത്തില്‍ നിന്ന് പിന്മാറിയാല്‍ ആന്റണി പെരുംബാവൂരിനു ഉണ്ടായേക്കാവുന്ന അവസ്ഥയിലാണ് അരവിന്ദ് കേജ്രിവാള്‍.. 

ബാറില്‍ നിന്ന് ഇറങ്ങുകയും ചെയ്തു, വീട്ടില്‍ എത്തിയതുമില്ല എന്ന അവസ്ഥ... 

പണി പാമ്പും, പട്ടിയുമൊന്നുമല്ല... ഗാന്ധി തൊപ്പി വെച്ചവരുടെ രൂപത്തിലും കിട്ടും... 

Friday, August 24, 2012

മരണ വിദ്യാലയം - സുസ്മേഷ് ചന്ദ്രോത്ത്

സ്നേഹം നിറഞ്ഞ സുസ്മേഷിനു, 

ഈ വര്‍ഷത്തെ മാതൃഭൂമി ഓണപ്പതിപ്പില്‍ പ്രസിദ്ധീകരിച്ച താങ്കളുടെ 'മരണ വിദ്യാലയം' എന്ന കഥ വായിച്ചു കഴിഞ്ഞതെയുള്ളൂ. 

മനോഹരമായിരിക്കുന്നു!

നാലുപാടും നിന്നുള്ള സമ്മര്‍ദം മൂലം ജീവിത യാത്രയ്ക്കിടയില്‍  വഴി മുട്ടി നില്‍ക്കുന്ന ആയിരക്കണക്കിന് കുഞ്ഞുങ്ങളുടെ പ്രതിനിധിയായിട്ടാണ് നേത്രി എന്ന കുട്ടിയെ പറ്റി എനിക്ക് തോന്നിയത്.  പക്ഷെ ആ കുട്ടിയെ മരിക്കാന്‍ വിടേണ്ടിയിരുന്നില്ല. കഥാകൃത്തിന്റെ സ്വാതന്ത്ര്യത്തില്‍ കൈ കടത്തുകയല്ല. ഒരു പക്ഷെ, ആ മരണമില്ലായിരുന്നെങ്കില്‍ ഈ കഥയ്ക്ക്‌ പൂര്‍ണതയും ഉണ്ടാവില്ലായിരുന്നേനെ. 

ആത്മഹത്യയെന്ന പോലെ, ആത്മഹത്യാ പ്രേരണയും കുറ്റമായ ഈ സമൂഹത്തിനോട് ഒരു കുറിപ്പെങ്കിലും എഴുതി വെച്ച് നേത്രിയ്ക്ക് ട്രെയിനിനു മുന്നില്‍ കീഴടങ്ങാമായിരുന്നു. ആ പാവം എസ്.ഐയുടെ മനസ്സില്‍ ലേശം കുളിര്‍ വീണേനെ. 

നേത്രി, അദിതി, ജസ്ന, മാഹിന്‍, നാരായണ പ്രസാദ്....... താങ്കളുടെ കഥാപാത്രങ്ങളുടെ പേരുകള്‍ എല്ലാം ഒന്നിനൊന്നു മെച്ചം!

സസ്നേഹം, 
പ്രശാന്ത്.

Thursday, July 19, 2012

കേരള സംസ്ഥാന ചലച്ചിത്ര അവാര്‍ഡ് - 2011


2011 ലെ കേരള സംസ്ഥാന ചലച്ചിത്ര അവാര്‍ഡുകള്‍ പ്രഖ്യാപിച്ചു. 

രഞ്ജിത് സംവിധാനം ചെയ്ത ഇന്ത്യന്‍ റുപ്പി ആണ് മികച്ച ചിത്രം. പ്രണയത്തിലൂടെ ബ്ലെസ്സി മികച്ച സംവിധായകനായി. വെള്ളരിപ്രാവിന്റെ ചങ്ങാതി എന്ന ചിത്രത്തിലൂടെ ദിലീപ് മികച്ച നടനായും, സാള്‍ട്ട് ആന്‍ഡ്‌ പെപ്പെര്‍ എന്ന സിനിമയിലെ അഭിനയത്തിന് ശ്വേത മേനോന്‍ മികച്ച നടിയായും തിരഞ്ഞെടുക്കപ്പെട്ടു. 

അവാര്‍ഡ് വിവരങ്ങള്‍ ചുവടെ:  

ചിത്രം: ഇന്ത്യന്‍ റുപ്പി (രഞ്ജിത്ത്)

രണ്ടാമത്തെ ചിത്രം: ഇവന്‍ മേഘരൂപന്‍ (പി.ബാലചന്ദ്രന്‍)
സംവിധായകന്‍ ബ്ലസി (പ്രണയം)
നടന്‍: ദിലീപ് (വെള്ളരിപ്രാവിന്റെ ചങ്ങാതി)
നടി: ശ്വേതാ മേനോന്‍ (സാള്‍ട്ട് ആന്‍ഡ്‌ പെപ്പെര്‍)
രണ്ടാമത്തെ നടന്‍: ഫഹദ് ഫാസില്‍ (ചാപ്പാക്കുരിശ്, അകം)
രണ്ടാമത്തെ നടി: നിലമ്പൂര്‍ ആയിഷ (ഊമക്കുയില്‍ പാടുന്നു)
കഥാകൃത്ത്: എം.മോഹനന്‍ (മാണിക്യക്കല്ല്)
എഡിറ്റിങ്: വിനോദ് സുകുമാരന്‍ (ഇവന്‍ മേഘരൂപന്‍)
കലാമൂല്യമുള്ള ജനപ്രിയചിത്രം: സാള്‍ട്ട് ആന്റ് പെപ്പര്‍ (ആഷിക് അബു)
നവാഗതസംവിധായകന്‍: ഷെറി (ആദിമധ്യാന്തം)
ഛായാഗ്രാഹകന്‍: എം.ജെ.രാധാകൃഷ്ണന്‍ (ആകാശത്തിന്റെ നിറം)
തിരക്കഥ: സഞ്ജയ് - ബോബി (ട്രാഫിക്)
ബാലതാരം: മാളവിക (ഊമക്കുയില്‍)
സംഗീതസംവിധായകന്‍: ശരത് (ഇവന്‍ മേഘരൂപന്‍)
ഗാനരചയിതാവ്: ശ്രീകുമാരന്‍ തമ്പി (വെള്ളരിപ്രാവിന്റെ ചങ്ങാതി)
ഗായകന്‍: സുദീപ് (രതിനിര്‍വേദം) 
ഗായിക: ശ്രേയ ഘോഷാല്‍ (രതിനിര്‍വേദം)
ഹാസ്യനടന്‍: ജഗതി ശ്രീകുമാര്‍ (സ്വപ്‌നസഞ്ചാരി)
പശ്ചാത്തലസംഗീതം: ദീപക് ദേവ് (ഉറുമി)
ശബ്ദലേഖനം: രാജകൃഷ്ണന്‍ (ഉറുമി)
കലാസംവിധാനം: സുജിത് (നായിക) 
ഡബ്ബിംഗ് : പ്രവീണ (ഇവന്‍ മേഘരൂപന്‍)
പ്രത്യേക ജൂറി അവാര്‍ഡ്‌ - ഡോ. ബിജു (ആകാശത്തിന്റെ നിറം)
കുട്ടികളുടെ ചിത്രം - മഴവില്‍
 
ലേഖനം: നീലന്‍ 
സിനിമാഗ്രന്ഥം: ജി.പി.രാമചന്ദ്രന്‍
ഗ്രന്ഥത്തിനുള്ള പ്രത്യേക ജൂറി പുരസ്‌കാരം: സി.എസ്.വെങ്കിടേശ്വരന്‍.

വാല്‍ക്കഷ്ണം: മികച്ച നവാഗത സംവിധായകനുള്ള അവാര്‍ഡ്‌ ലഭിച്ച ജെറി(ആദിമധ്യാന്തം) ആയിരുന്നില്ലേ കഴിഞ്ഞ ഇന്റര്‍നാഷണല്‍ ഫിലിം ഫെസ്റ്റിവലില്‍ സിനിമാ മന്ത്രിക്കെതിരെ അലമ്പുണ്ടാക്കിയത്? 

Sunday, July 15, 2012

കാലുമാറ്റം 2012 റീലോടെഡ്

ശെല്‍വരാജിനെ കൂടാതെ മറ്റു മൂന്നു സി.പി.എം എം.എല്‍.എ മാര്‍ കൂടി യു.ഡി.എഫ് ലേക്ക് വരാന്‍ തയ്യാറായിരുന്നു എന്ന് പി.സി.ജോര്‍ജ്. ഉമ്മന്‍ ചാണ്ടി എതിര്‍ത്തത് മൂലമാണ് അത് നടക്കാതെ പോയതെന്നും ജോര്‍ജ് കൂട്ടിച്ചേര്‍ത്തു. 
                ഈ പ്രസ്താവനയും നടത്തി പോത്തിറച്ചി ഉലത്തിയതും കഴിച്ചു ജോര്‍ജ് കൈ കഴുകുന്നതിന്‌ മുന്നേ, കണ്ണൂരിന്റെ രോമാഞ്ചം ഇ.പി. ജയരാജന്‍ അടുത്ത ബോംബ്‌ പൊട്ടിച്ചു. 
              പിറവം തിരഞ്ഞെടുപ്പിന് മുന്‍പ് തന്നെയും, മറ്റു മൂന്നു എം.എല്‍. എ മാരെയും എല്‍.ഡി.എഫ് ഇല്‍ എടുക്കെണമെന്ന ആവശ്യവുമായി പി.സി.ജോര്‍ജ് തങ്ങളെ സമീപിച്ചെന്നാണ് ജയരാജന്‍ മാസങ്ങള്‍ക്ക് ശേഷം ഓര്‍മയില്‍ നിന്നും കടമെടുത്തു പറഞ്ഞിരിക്കുന്നത്. രാഷ്ട്രീയ മര്യാദയ്ക്ക് (???? ഹ ഹ ഹാ) നിരക്കാത്തതിനാല്‍ തങ്ങള്‍ അത് വേണ്ടായെന്നു പറഞ്ഞെന്നും കോമ്രെട് ജയരാജന്‍ പറഞ്ഞു. ജയരാജനെ അവിശ്വസിക്കേണ്ട കാര്യമില്ല എന്ന് എങ്ങും തൊടാതെ പറഞ്ഞ് മുന്‍ പോലീസ് മന്ത്രി കോടിയേരിയും ആകാശത്തേയ്ക്ക് ഉണ്ടയില്ല വെടി വെച്ചിട്ടുണ്ട്.
                ഇതെല്ലാം ഇന്നലെ നടന്ന കാര്യങ്ങള്‍. പി.സി യും ഇ.പി യും കോടിയേരിയും ഒരു രാത്രി ഉറങ്ങിയുണര്‍ന്നു കോട്ടുവാ വിട്ടു വായ്‌ അടയ്ക്കുന്നതിന് മുന്നേ വീര ശൂരന്‍, നെയ്യാറ്റിന്‍കരയുടെ പൊന്നോമന ശെല്‍വരാജന്‍ നാടാര്‍ (ഹിന്ദു / ക്രിസ്ത്യന്‍) അടുത്ത പടക്ക കോട്ടയ്ക്കു തിരി കൊളുത്തി. തന്നെ കൂടാതെ ഇനിയും നാല് സി.പി.എം. എം. എല്‍.എ മാര്‍ കൂടി  യു.ഡി.എഫ് ലേക്ക് ചാടാന്‍ റെഡി ആയി നില്‍ക്കുകയാണ് എന്നാണു മുന്‍ സഖാവ് സെല്‍വരാജ് പറഞ്ഞിരിക്കുന്നത്.

ഇതിനിടയില്‍ ആരാലും ശ്രദ്ധിക്കപ്പെടാതെ  പോയ മറ്റൊരു സംഭവമുണ്ട്. പത്തനാപുരത്ത് കാരെ തിരോന്തരം എന്ന സ്ഥലമുണ്ടെന്നു (എന്നാണു മനോരമയിലെ അച്ചായന്മാര്‍ പറയുന്നത്) കാണിച്ചു കൊടുത്ത ശ്രീമാന്‍ ഗണേശനും, ചവറയിലെ വിപ്ലവകാരി ഷിബുവും ഇടത്തോട്ട് ചായാന്‍ മുട്ടി നില്‍ക്കുകയാണെന്നും, ഇത് മുന്‍കൂട്ടി അറിഞ്ഞ്ട്ടാണ് പി.സി.ജോര്‍ജ് വനം മന്ത്രിക്കെതിരെ സ്വഭാവ ദൂഷ്യം ആരോപണം ഉന്നയിച്ചതെന്നുമാണ് പിന്നാമ്പുറ സംസാരം. 

ചുമ്മാതാണോ, നാല് മാസം മുന്‍പ് തനിക്കും ഞരമ്പ് രോഗി പട്ടം ചാര്‍ത്തി തന്ന ഗണേശനെ പിന്തുണച്ചു വി.എസ് പ്രസ്താവന നടത്തിയത്!!!

കാലുമാറ്റം 2012 റീലോടെഡ്

ശെല്‍വരാജിനെ കൂടാതെ മറ്റു മൂന്നു സി.പി.എം എം.എല്‍.എ മാര്‍ കൂടി യു.ഡി.എഫ് ലേക്ക് വരാന്‍ തയ്യാറായിരുന്നു എന്ന് പി.സി.ജോര്‍ജ്. ഉമ്മന്‍ ചാണ്ടി എതിര്‍ത്തത് മൂലമാണ് അത് നടക്കാതെ പോയതെന്നും ജോര്‍ജ് കൂട്ടിച്ചേര്‍ത്തു. 
                ഈ പ്രസ്താവനയും നടത്തി പോത്തിറച്ചി ഉലത്തിയതും കഴിച്ചു ജോര്‍ജ് കൈ കഴുകുന്നതിന്‌ മുന്നേ, കണ്ണൂരിന്റെ രോമാഞ്ചം ഇ.പി. ജയരാജന്‍ അടുത്ത ബോംബ്‌ പൊട്ടിച്ചു. 
              പിറവം തിരഞ്ഞെടുപ്പിന് മുന്‍പ് തന്നെയും, മറ്റു മൂന്നു എം.എല്‍. എ മാരെയും എല്‍.ഡി.എഫ് ഇല്‍ എടുക്കെണമെന്ന ആവശ്യവുമായി പി.സി.ജോര്‍ജ് തങ്ങളെ സമീപിച്ചെന്നാണ് ജയരാജന്‍ മാസങ്ങള്‍ക്ക് ശേഷം ഓര്‍മയില്‍ നിന്നും കടമെടുത്തു പറഞ്ഞിരിക്കുന്നത്. രാഷ്ട്രീയ മര്യാദയ്ക്ക് (???? ഹ ഹ ഹാ) നിരക്കാത്തതിനാല്‍ തങ്ങള്‍ അത് വേണ്ടായെന്നു പറഞ്ഞെന്നും കോമ്രെട് ജയരാജന്‍ പറഞ്ഞു. ജയരാജനെ അവിശ്വസിക്കേണ്ട കാര്യമില്ല എന്ന് എങ്ങും തൊടാതെ പറഞ്ഞ് മുന്‍ പോലീസ് മന്ത്രി കോടിയേരിയും ആകാശത്തേയ്ക്ക് ഉണ്ടയില്ല വെടി വെച്ചിട്ടുണ്ട്.
                ഇതെല്ലാം ഇന്നലെ നടന്ന കാര്യങ്ങള്‍. പി.സി യും ഇ.പി യും കോടിയേരിയും ഒരു രാത്രി ഉറങ്ങിയുണര്‍ന്നു കോട്ടുവാ വിട്ടു വായ്‌ അടയ്ക്കുന്നതിന് മുന്നേ വീര ശൂരന്‍, നെയ്യാറ്റിന്‍കരയുടെ പൊന്നോമന ശെല്‍വരാജന്‍ നാടാര്‍ (ഹിന്ദു / ക്രിസ്ത്യന്‍) അടുത്ത പടക്ക കോട്ടയ്ക്കു തിരി കൊളുത്തി. തന്നെ കൂടാതെ ഇനിയും നാല് സി.പി.എം. എം. എല്‍.എ മാര്‍ കൂടി  യു.ഡി.എഫ് ലേക്ക് ചാടാന്‍ റെഡി ആയി നില്‍ക്കുകയാണ് എന്നാണു മുന്‍ സഖാവ് സെല്‍വരാജ് പറഞ്ഞിരിക്കുന്നത്.

ഇതിനിടയില്‍ ആരാലും ശ്രദ്ധിക്കപ്പെടാതെ  പോയ മറ്റൊരു സംഭവമുണ്ട്. പത്തനാപുരത്ത് കാരെ തിരോന്തരം എന്ന സ്ഥലമുണ്ടെന്നു (എന്നാണു മനോരമയിലെ അച്ചായന്മാര്‍ പറയുന്നത്) കാണിച്ചു കൊടുത്ത ശ്രീമാന്‍ ഗണേശനും, ചവറയിലെ വിപ്ലവകാരി ഷിബുവും ഇടത്തോട്ട് ചായാന്‍ മുട്ടി നില്‍ക്കുകയാണെന്നും, ഇത് മുന്‍കൂട്ടി അറിഞ്ഞ്ട്ടാണ് പി.സി.ജോര്‍ജ് വനം മന്ത്രിക്കെതിരെ സ്വഭാവ ദൂഷ്യം ആരോപണം ഉന്നയിച്ചതെന്നുമാണ് പിന്നാമ്പുറ സംസാരം. 

ചുമ്മാതാണോ, നാല് മാസം മുന്‍പ് തനിക്കും ഞരമ്പ് രോഗി പട്ടം ചാര്‍ത്തി തന്ന ഗണേശനെ പിന്തുണച്ചു വി.എസ് പ്രസ്താവന നടത്തിയത്!!!

Thursday, June 7, 2012

എന്തെ ഉമ്മന്‍ചാണ്ടി ഇങ്ങനെ?

എം. എം. മണിയെ സി.പി.ഐ (എം) ഇടുക്കി ജില്ല സെക്രട്ടറി സ്ഥാനത്തു നിന്നും നീക്കി. 

മണിയുടെ വിവാദമായ പ്രസംഗത്തില്‍, പാര്‍ട്ടിയുടെ നയപരിപാടികളില്‍ നിന്നും വ്യതിചലിച്ചു അഭിപ്രായ പ്രകടനം നടത്തിയതിനാണ് പാര്‍ട്ടി നടപടി. മണിയോട് വിശദീകരണം ചോദിച്ചിട്ടുമുണ്ട്.  
ഒരു രാഷ്ട്രീയ പാര്‍ട്ടിയുടെ സ്ഥാനത്തു നിന്നുള്ള മാന്യമായ നടപടി.

മണിയുടെ പ്രസംഗത്തിലെ പരാമര്‍ശങ്ങള്‍ കണക്കിലെടുത്ത് കേരള പോലീസ് മണിക്കെതിരെ കേസ് എടുത്തിട്ടുണ്ട്. എതിര്‍ പാര്‍ട്ടിക്കാര്‍ അത് ആയുധമാക്കുകയും ചെയ്യുന്നു.

ടി.പി ചന്ദ്രശേഖരന്റെ വധത്തില്‍ സി.പി.എം നു പങ്കില്ല എന്ന് മണി പ്രസംഗത്തില്‍ പറയുന്നുണ്ട്. ഉമ്മന്‍ ചാണ്ടിയും പോലീസ് ഉം അതിനെ അംഗീകരിക്കുന്നില്ല.
ഇടുക്കിയിലെ എസ്. എഫ്.ഐ നേതാവിനെ കൊന്നത് പി.ടി തോമസിന്റെ ഗുണ്ടകള്‍ ആണെന്നും പറയുന്നു. അതും അവര്‍ കേള്‍ക്കുന്നില്ല.

ജഡ്ജിമാര്‍ക്ക് കൈക്കൂലി കൊടുത്തതിനു താന്‍ സാക്ഷി ആണെന്ന് സുധാകരന്‍... . അധ്യാപകനെ കൊന്നവര്‍ക്കെതിരെ സാക്ഷി പറയാന്‍ പോയാല്‍ ജീവന്‍ ബാക്കിയുണ്ടാവില്ലെന്നു ലീഗ് എം.എല്‍... എ. ഒടുവിലിതാ, മൃഗങ്ങളുടെ തോള്‍ സൂക്ഷിച്ചു വെച്ചിട്ട് പരിസ്ഥിതിയെ പറ്റി വാദിക്കുന്നവരെ തനിക്കറിയാമെന്ന് മന്ത്രി ഗണേശനും. ഇതൊന്നും കേള്‍ക്കാന്‍ ഇവിടെ ആര്‍ക്കും ചെവിയില്ലേ? അതോ മറു ചെവിയില്‍ കൂടി സൌകര്യാര്‍ത്ഥം പുറം തള്ളുന്നതോ?

എന്തെ ഉമ്മന്‍ചാണ്ടി ഇങ്ങനെ?

Sunday, May 6, 2012

രക്തസാക്ഷി

രക്തകറ കൊണ്ട്, 
പകയുടെ കനലുകളെ ശമിപ്പിക്കുന്ന, 
മൃഗീയമായ നരനായാട്ട് വീണ്ടും. 

ഇടതനും, വലതനും, പുറത്താക്കപ്പെട്ടവനും, 
വെല്ലു വിളിച്ചു പുറത്തു പോയവനും, 
ചുവപ്പനും, കാവിയും, പച്ചയും, ത്രിവര്‍ണ്ണനും,
തുടങ്ങി,
കണ്ട അണ്ടനും അടകോടനുമെല്ലാം 
അനുശോചിക്കുന്നു, അപലപിക്കുന്നു. 

പൊന്നരിവാളിന്‍ കൊടി പുതച്ച
നിശ്ചല വിപ്ലവത്തിന് ചുറ്റും, 
ഖദര്‍ ധാരികള്‍ വിതുമ്പുന്നു; മൂക്ക് തുടയ്ക്കുന്നു;
പക്ഷെ കണ്ണീരിനുപ്പില്ല!

വിപ്ലവത്തിന്റെ മൊത്ത കച്ചവടക്കാരെ,
പുത്തന്‍ കൂറ്റുകാരെ,
നിങ്ങളുടെ പൊടി പോലുമവിടെ
ഇല്ലാതായല്ലോ; ഒന്ന് കരയാന്‍......,
മുഷ്ടി ചുരുട്ടി ഒരു വിപ്ലവാഭിവാദ്യം നേരാന്‍......    ...

ഭൂമിയിലൊരു രക്തസാക്ഷി കൂടി ജനിച്ചു,
അങ്ങകലെ ആകാശത്തോ, ഒരു നക്ഷത്രം ജ്വലിച്ചു..

കൊലപാതകമൊരു ആഘോഷമാക്കി,
ഇനിയങ്ങോട്ട് ലാഭ നഷ്ടങ്ങളുടെ കണക്കെടുപ്പ്.
ചുറ്റുമുള്ളവരെ, കൊലപാതകിയെന്ന് ചൂണ്ടി
വിളിക്കുമ്പോള്‍ ഓര്‍ക്കുക ശവംതീനികളെ..
അവനു നേരെ ചൂണ്ടുന്നത് നിന്റെ ചൂണ്ടു വിരല്‍..
എന്നാല്‍  നിനക്ക് നേരെയുള്ളതോ,
നിന്റെ, ബാക്കി, നാല് വിരലുകളും.

നിങ്ങളില്‍,
പാപം ചെയ്യാത്തവര്‍ കല്ലെറിയട്ടെ.

രക്തസാക്ഷി

രക്തകറ കൊണ്ട്, 
പകയുടെ കനലുകളെ ശമിപ്പിക്കുന്ന, 
മൃഗീയമായ നരനായാട്ട് വീണ്ടും. 

ഇടതനും, വലതനും, പുറത്താക്കപ്പെട്ടവനും, 
വെല്ലു വിളിച്ചു പുറത്തു പോയവനും, 
ചുവപ്പനും, കാവിയും, പച്ചയും, ത്രിവര്‍ണ്ണനും,
തുടങ്ങി,
കണ്ട അണ്ടനും അടകോടനുമെല്ലാം 
അനുശോചിക്കുന്നു, അപലപിക്കുന്നു. 

പൊന്നരിവാളിന്‍ കൊടി പുതച്ച
നിശ്ചല വിപ്ലവത്തിന് ചുറ്റും, 
ഖദര്‍ ധാരികള്‍ വിതുമ്പുന്നു; മൂക്ക് തുടയ്ക്കുന്നു;
പക്ഷെ കണ്ണീരിനുപ്പില്ല!

വിപ്ലവത്തിന്റെ മൊത്ത കച്ചവടക്കാരെ,
പുത്തന്‍ കൂറ്റുകാരെ,
നിങ്ങളുടെ പൊടി പോലുമവിടെ
ഇല്ലാതായല്ലോ; ഒന്ന് കരയാന്‍......,
മുഷ്ടി ചുരുട്ടി ഒരു വിപ്ലവാഭിവാദ്യം നേരാന്‍......    ...

ഭൂമിയിലൊരു രക്തസാക്ഷി കൂടി ജനിച്ചു,
അങ്ങകലെ ആകാശത്തോ, ഒരു നക്ഷത്രം ജ്വലിച്ചു..

കൊലപാതകമൊരു ആഘോഷമാക്കി,
ഇനിയങ്ങോട്ട് ലാഭ നഷ്ടങ്ങളുടെ കണക്കെടുപ്പ്.
ചുറ്റുമുള്ളവരെ, കൊലപാതകിയെന്ന് ചൂണ്ടി
വിളിക്കുമ്പോള്‍ ഓര്‍ക്കുക ശവംതീനികളെ..
അവനു നേരെ ചൂണ്ടുന്നത് നിന്റെ ചൂണ്ടു വിരല്‍..
എന്നാല്‍  നിനക്ക് നേരെയുള്ളതോ,
നിന്റെ, ബാക്കി, നാല് വിരലുകളും.

നിങ്ങളില്‍,
പാപം ചെയ്യാത്തവര്‍ കല്ലെറിയട്ടെ.

Monday, April 23, 2012

നിലാവത്ത് കാണുന്ന സ്വപ്നം

നിലാവിന്‍റെ നിശബ്ദ സംഗീതത്തില്‍, 
നിന്‍ മുഖമെന്നോര്‍മ്മയില്‍ തെളിയുമ്പോള്‍
അന്ന് പാടിയ പാട്ടിന്‍റെ ശീലുകള്‍
അറിയാതെ മനസിലിന്നോര്‍മ്മ വന്നു.

"നീയെനിക്കെന്‍ നെഞ്ചിന്‍ രാഗതാളം,
നീയെനിക്കെന്നുടെ ആത്മമോഹം,
നിന്‍ ചിരിയെന്നുടെ വെന്പുലരി
നിന്നോര്‍മ്മയെനിക്കെന്നും ജീവവായു."

കിനാവിലൊരു പൊന്‍ നിലാവത്ത്, 
നിശാഗന്ധി വിരിയുന്ന നേരത്ത്,
നാമിരുവര്‍ മാത്രമാകുന്ന ലോകത്ത്,
പ്രിയസഖി നിന്നെ ഞാന്‍ കാത്തിരുന്നു.

മിഴികളിലായിരം വര്‍ണ്ണങ്ങള്‍ ചാലിച്ച
സ്വപ്‌നങ്ങള്‍ നിനക്കായി ഞാന്‍ നെയ്തു കൂട്ടി.
മൊഴികളില്‍ അപൂര്‍വ സ്വരങ്ങള്‍ സമ്മേളിച്ച
സ്വപ്‌നങ്ങള്‍, പക്ഷെ, നീയറിയാതെ ആയിരുന്നു.

കൌമുദി കുംഭത്തിലെ എടും തേടി
നിനച്ചിരിക്കാതെയുള്ള യാത്രയില്‍ 
നിറമുള്ള സ്വപ്നങ്ങളും സ്വരങ്ങളും
രാത്രിമഴയില്‍ കുതിര്‍ന്നു പോയി.

മഴയൊന്നു ശമിച്ചപ്പോള്‍, പൊന്തുന്ന
പിഞ്ചിളം മുളകള്‍ക്കൊപ്പം,
എന്‍റെ സ്വപ്നങ്ങള്‍ക്കും നനുനനുത്ത 
തലോടല്‍ ഏറ്റു. 

പക്ഷെ, 
അത് നീയെന്ന പോലെ 
ഞാനും അറിഞ്ഞിരുന്നില്ല!

Friday, April 20, 2012

ഇറ്റാലിയന്‍ കരയിലേക്ക് ഒരു കടല്‍ ദൂരം.

കൊല്ലം, നീണ്ടകരയിലെ രണ്ടു മത്സ്യ തൊഴിലാളികള്‍ കടലില്‍. വെടിയേറ്റ്‌ മരിച്ച സംഭവത്തില്‍ കേന്ദ്ര സര്‍ക്കാര്‍ ഇറ്റാലിയന്‍ നാവികര്‍ക്ക് അനുകൂല നിലപാടെടുത്തു. 
1. കേരള പോലീസിന് കേസ് എടുക്കാന്‍ യാതൊരു അധികാരവുമില്ല എന്ന്  കേന്ദ്ര സര്‍ക്കാരിന്റെ സോളിസിറ് ജനറല്‍ സുപ്രീം കോടതിയില്‍ പറഞ്ഞു.
2. കേരള സര്‍ക്കാര്‍ അഭിഭാഷകന്‍ അഡ്വ ജോര്‍ജ് ഇത് കേട്ട് മിണ്ടാതിരുന്നു.
3. ഈ കേസ് വക്കാലത്ത് നല്‍കിയിരുന്ന അഡ്വ രമേശ്‌ ബാബുവിനെ മാറ്റി ജോര്‍ജിനെ നിയമിച്ചത് ഇന്നലെ.
4. ഇതിനു മുന്‍പ്, ഡല്‍ഹിയില്‍ വെച്ച്, കേരള ധനകാര്യ മന്ത്രി കെ.എം മാണിയുമായി കൂടികാഴ്ച നടത്തി.
5. ഇതിനും മുന്‍പ്, കെ.എം മാണി, ഡല്‍ഹിയില്‍ ഉണ്ടായിരുന്ന കേരളത്തില്‍ നിന്നുള്ള കര്‍ദിനാളുമായും കൂടികാഴ്ച നടത്തിയിരുന്നു.

വെടിവെപ്പ് നടന്നതിനു അടുത്ത ദിനങ്ങളില്‍ ഉണ്ടായ വിവാദങ്ങള്‍ ; കോണ്‍ഗ്രസിന്റെ ഇറ്റാലിയന്‍ ചായ്‌വ്, കത്തോലിക്കാ മന്ത്രിമാര്‍ , എന്നിവയും ചേര്‍ത്തു മുകളിലത്തെ സംഭവങ്ങള്‍ കൂട്ടി വായിക്കുമ്പോള്‍ കേന്ദ്ര സര്‍ക്കാര്‍ നിലപാടില്‍ വലിയ അത്ഭുതമൊന്നും തോന്നുന്നില്ല.

എന്തായാലും ഇറ്റലിക്കാരേ,   നയതന്ത്രം കടല്‍ വഴി വരുമ്പോള്‍, പാവപ്പെട്ടവന്റെ നെഞ്ചത്ത് കയറി പൊങ്കാല ഇട്ടാലും, ചോദിയ്ക്കാന്‍ ഈ ഇന്ത്യാ മഹാരാജ്യത്ത് ഒരുത്തനും വരില്ല. നിങ്ങള്‍ക്കിനിയും ധൈര്യമായി വെടി   വെച്ച് കളിക്കാം..

Thursday, April 12, 2012

സമുദായ സന്തലനം


ന്യൂനപക്ഷ വിഭാഗത്തില്‍ പെടുന്ന രണ്ടു മന്ത്രി മാര്‍ ഇന്ന് സത്യപ്രതിഞ്ജ ചെയ്തു അധികാരമേറ്റു.
മഞ്ഞളാംകുഴി അലിയ്ക്ക് ലീഗ് മന്ത്രിമാര്‍ കൈകാര്യം ചെയ്തിരുന്ന വകുപ്പുകള്‍ ലഭിച്ചു. അനൂപ്‌ ജേക്കബിന്, പിതാവ് ടി.എം ജേക്കബ് കയ്യാളിയ വകുപ്പുകളും ലഭിക്കും.
ലീഗിന് കീഴടങ്ങി എന്ന് ആരോപിച്ചു, മന്ത്രി ആര്യാടന്‍ മുഹമ്മദും, നേതാക്കളായ കെ.മുരളീധരന്‍, വി.ഡി. സതീശന്‍, ടി.എന്‍ പ്രതാപന്‍ തുടങ്ങിയവര്‍ ചടങ്ങില്‍ നിന്നും വിട്ടു നിന്നു.
സമുദായ സന്തലനം പാലിക്കാന്‍ മന്ത്രി സഭയില്‍ വന്‍ അഴിച്ചു പണി. NSS ന്‍റെ ക*****പ്പ് പരിഹരിക്കാന്‍ സമുദായ അംഗങ്ങളായ തിരുവന്ചൂരിനു ആഭ്യന്തരം, ശിവകുമാറിന് ആരോഗ്യം; SNDP യുടെ നിലവിളി ഒഴിവാക്കാന്‍ അടൂര്‍ പ്രകാശിന് റവന്യൂ വകുപ്പ്; ആര്യാടന്റെ തുറന്നു പറയല്‍ ഒഴിവാക്കാന്‍ അദ്ദേഹത്തിനു ഗതാഗത വകുപ്പിന്റെ അധിക ചുമതല.

വോട്ട് ചെയ്തു വിജയിപ്പിച്ചു അധികാരത്തില്‍ ഏറ്റിയ പാവപ്പെട്ട ജനങ്ങള്‍ക്ക്‌ എന്ത് കിട്ടി...???
 

Wednesday, April 11, 2012

ഇന്ന് മലയാളികള്‍ക്ക് സുദിനം

കേരളത്തിന്‍റെ നീറുന്ന പ്രശ്നങ്ങള്‍ക്ക് നാളെ പരിഹാരമാവും.


കഴിഞ്ഞ കുറെ നാളുകളായി ഓരോ മലയാളിയുടെയും ഉറക്കം കെടുത്തിയിരുന്ന അഞ്ചാം മന്ത്രിയും, പുതുമുഖ മന്ത്രിയും വ്യാഴാഴ്ച സത്യപ്രതിഞ്ജ ചെയ്യുമെന്ന് മുഖ്യമന്ത്രി അറിയിച്ചു.
ഇതെല്ലാം ഇങ്ങനെ തന്നെ ഒടുങ്ങുമെന്നു നേരത്തെ അറിവുള്ളതല്ലേ.. വെറുതെ ഡല്‍ഹിയിലോട്ടും ഇങ്ങോട്ടും ബീമാനത്തില്‍ പോയതും, പ്രവചനങ്ങള്‍ നടത്തി ചാനല്‍ ചര്‍ച്ചാ തൊഴിലാളികളുടെ നാവിലെ വെള്ളം വറ്റിയതും മിച്ചം.

ടി വിയുടെ കൂടെ റിമോട്ടിനിടുന്ന ബാറ്ററി ഫ്രീ എന്ന പോലെ, സത്യ പ്രതിഞ്ജ ദിനത്തില്‍ തിരുവനന്ത പുരത്തുകാര്‍ക്ക് നാളെ ഹര്‍ത്താല്‍ ഫ്രീ...

Sunday, March 11, 2012

അനുഭവങ്ങളെ ഭാഗിക്കുമ്പോള്‍

ഭാഗം ഒന്ന്.


ഉച്ചവെയില്‍ കാരണം ചൂടേറിയ
കാറ്റ്, നെറ്റിതടത്തില്‍
വിയര്‍പ്പുതുള്ളികള്‍ക്ക് ജന്മമേകുമ്പോള്‍
ഞാന്‍ യാത്ര തുടങ്ങട്ടെ..

പക്ഷെ,
എനിക്കൊന്നുമറിയില്ല .
അറിയാത്തതിനു സമാധാനമേകുവാന്‍
എന്നുമുണ്ടായിരുന്നത് പോലെ,
ഇന്ന് നീയെന്നടുത്തില്ല.

'കണ്ണുകളില്‍ കവിത വിരിയുമെന്ന്'
കവികളില്‍ പലരും പാടി.
പക്ഷെ, നിന്റെ മിഴികള്‍ക്ക്
മിഴിവേകുന്ന ഭാവമേതെന്ന്
നിര്‍വചിക്കുവാന്‍
ഞാനിന്നും പരാജയപ്പെടുന്നു.

നിന്റെ കണ്ണുകള്‍ തുറക്കുമ്പോള്‍
നീല ജലാശയം ഞാന്‍ കാണുന്നു.
നീണ്ട ഒറ്റയടിപ്പാതയും
നിലാവിന്റെ നിറവും എനിക്ക് കാണാം
നിഴലുകളില്ലാതെ.

വീണാ തന്ത്രികള്‍ കാവലാളാകുന്ന
ആ മിഴികള്‍ പതിയെ അടയുമ്പോള്‍
എന്റെ മുന്നിലിരുട്ടു ബാക്കി.
എനിക്ക് പേടിയാകും

അന്നേരം,
നിന്റെ ഓര്‍മകളുടെ
സുഗന്ധവും പേറിയെത്തുന്ന
കാതരയായ കാറ്റെന്നെ തഴുകുമ്പോള്‍
ഉണരുന്ന എനിക്ക് കണിയാകുന്നത്
വെള്ളി വെളിച്ചത്തില്‍
നിന്റെ പുഞ്ചിരി...........


ഭാഗം രണ്ട്

ചൊല്ലിക്കൊടുത്ത മനസും
കല്‍പ്പിച്ചു ഉറപ്പിച്ച വരികളും
ഉറക്ക ചടവുള്ള കണ്ണുകളുമായ്‌
ഞാന്‍...!

ഇവിടെയെനിക്കൊന്നും എതിരല്ല
നീയോ, നിന്റെ നിഴലോ,
നിന്നോര്‍മ്മകളുടെ ഭാരം
തലച്ചുമടാക്കിയ
കാറ്റിന്റെ സീല്‍ക്കാരമോ..,
ഒന്നും;
അരണ്ട വെളിച്ചമുള്ള
ഈ കള്ളിമുള്‍ പാതയില്‍
എന്നെ തടയുന്നില്ല.

പകരം
അവയെന്നോട് സഹതപിക്കുന്നു.

ചുടല പറമ്പുകളിലെ
മുക്കാലും കത്തിയെരിഞ്ഞ
വിറകു കൊള്ളിയും, ഞാനും
തുല്യര്‍
മിക്കപ്പോഴും സ്വപ്നങ്ങളെയും
ചിലപ്പോള്‍ നഷ്ടങ്ങളെയും
ഞങ്ങള്‍ എരിച്ചു കളയുന്നു
ചാമ്പലാക്കുന്നു

നിനക്കറിയുമോ?
ഇന്ന് ഞാന്‍ കാണുന്ന
നിലാവിന്റെ നിറം കറുപ്പ്.
അന്നെന്റെ വിയര്‍പ്പു ഒപ്പിയ
കാറ്റ്, കാലങ്ങള്‍ക്കിപ്പുറം
ഇന്നെന്നെ കുത്തി നോവിക്കുന്നു,
കരയിപ്പിക്കുന്നു.

അതെ;
അന്ന് നിന്റെ സുഗന്ധം
പേറി വന്ന അതെ കാറ്റ്.

ഇന്നും ഞാന്‍ ഉറങ്ങുന്നതു
ഇരുട്ടിലാണ്.
ഉണര്‍ന്നു കണ്ണും തിരുമ്മി
എണീക്കുമ്പോഴും
ഇരുട്ടെന്ന വ്യത്യാസം മാത്രം.
അതും
കറുത്ത് കട്ട പിടിച്ച ഇരുട്ട്...!

Wednesday, March 7, 2012

രവി ബോംബെ





സംഗീത സംവിധായകന്‍ രവി ബോംബെ അന്തരിച്ചു.

രവി ശങ്കര്‍ ശര്‍മ എന്ന  രവി ബോംബെ (ബോംബെ രവി) 1926 മാര്‍ച്ച്‌ 3 - നു ഡല്‍ഹിയില്‍ ആണ് ജനിച്ചത്‌. നിരവധി ഹിന്ദി, മലയാളം സിനിമകള്‍ക്ക്‌ അദ്ദേഹം സംഗീതം പകര്‍ന്നിട്ടുണ്ട്.
മലയാളികളുടെ മനസ്സില്‍ ഗൃഹാതുരത്വത്തിന്റെ ഓര്‍മ പെയ്യിക്കുന്ന നിരവധി ഈണങ്ങളുടെ സൃഷ്ടാവാണ് അദ്ദേഹം. കൂടുതലും മോഹന രാഗത്തില്‍ കേന്ദ്രീകൃതമായിരുന്നു അദ്ദേഹത്തിന്റെ സൃഷ്ടികള്‍. ഹരിഹരന്‍ - എം.ടി ടീമിന്റെയൊപ്പം കൂടുതലും നിലയുറപ്പിച്ച രവി ബോംബെ, എന്നും മനസ്സില്‍ തങ്ങി നില്‍ക്കുന്ന ഒരുപാട് ഗാനങ്ങള്‍ സമ്മാനിച്ചാണ് വിട വാങ്ങിയത്.

രവി ബോംബെ സംഗീതം പകര്‍ന്ന മലയാള സിനിമകള്‍:
പഞ്ചാഗ്നി, നഖക്ഷതങ്ങള്‍, ഒരു വടക്കന്‍ വീരഗാഥ, വൈശാലി, സുകൃതം, ഗസല്‍, സര്‍ഗം, പാഥേയം, ഫൈവ് സ്റ്റാര്‍ ഹോസ്പിറ്റല്‍, മനസില്‍ ഒരു മഞ്ഞുതുള്ളി, മയൂഖം.

രവി ബോംബെ എന്ന മാന്ത്രികന്റെ ഒപ്പ് പതിഞ്ഞ ചില ഗാനങ്ങള്‍
# സാഗരങ്ങളേ പാടി, പാടി ഉണര്‍ത്തിയ...
# മഞ്ഞള്‍ പ്രസാദവും, നെറ്റിയില്‍ ചാര്‍ത്തി.. 
# ആരെയും ഭാവഗായകനാക്കും
# നീരാടുവാന്‍, നിളയില്‍ നീരാടുവാന്‍....
# ഇന്ദുലേഖ കണ്‍ തുറന്നു...
# കളരി വിളക്കു തെളിഞ്ഞതാണോ...
# ഇന്ദുപുഷ്പം ചൂടി നില്‍ക്കും...
# ഇന്ദ്ര നീലിമയോലും ....
# ഇശല്‍ തേന്‍കണം..
# അഞ്ചു ശരങ്ങളും പോരാതെ മന്മഥന്‍...
# ചന്ദനലേപ സുഗന്ധം...
# ചന്ദ്രകാന്തം കൊണ്ട് നാലുകെട്ട്...
# ചുമരില്ലാതെ, ചായങ്ങളില്ലാതെ....

ലിസ്റ്റ് തീരുന്നില്ല..
മലയാളികളെ മോഹന രാഗത്തിന്റെ നിളയില്‍ നീരാടിച്ച രവി ബോംബെ എന്ന സംഗീതസാമ്രാട്ടിനു ആദരാഞ്ജലികള്‍...

തടയണ...!

ഒരിക്കല്‍ നാം തണലിനായി കൊതിക്കും,
വെള്ളത്തിനായ്‌ കേഴും.
അന്നീ ഭൂമി, അതുണ്ടെങ്കില്‍,
തുരന്നു മാന്തി,
പണ്ടെങ്ങോ മറവു ചെയ്ത മരങ്ങളുടെ
അസ്ഥികള്‍, തോണ്ടിയെടുത്തു തടയണ പണിയാം.
എങ്ങാനും മഴ പെയ്താല്‍.....
വെള്ളം ഒഴുകിയാല്‍.......
തടഞ്ഞു നിര്‍ത്തി, കോരിക്കുടിച്ച്, ദാഹം തീര്‍ക്കാം.
അതിനിപ്പോഴേ സ്വപ്നം കാണാം...!

Monday, March 5, 2012

ഡിസംബറിന്റെ നഷ്ടം!


ഡിസംബറിന്റെ പുലരികള്‍ എനിക്കിഷ്ടമായിരുന്നു.

മറ്റു ദിവസങ്ങളില്‍ സൂര്യന്റെ പ്രഭാത കിരണങ്ങള്‍ക്ക് ചൂടെറും വരെ പുതപ്പിനുള്ളില്‍ ചുരുണ്ടു കൂടിയിരുന്ന ഞാന്‍ പക്ഷെ ഡിസംബറിന്റെ പ്രഭാതങ്ങള്‍ നഷ്ടപെടാന്‍ ആഗ്രഹിച്ചിരുന്നില്ല. ആ ദിനാരംഭങ്ങളില്‍ ഇരു വശങ്ങളും കാറ്റാടി മരങ്ങളും മുളംകൂട്ടങ്ങളും നിരന്നു നിന്നിരുന്ന മന്പാതയില്‍ കൂടി പ്രകൃതിയുടെ അനുഭൂതി ദായകമായ സംഗീതവും ശ്രവിച്ചു ഞാന്‍ നടക്കുമായിരുന്നു.തലേന്ന് രാത്രിയിലെ തണുപ്പേറിയ മൃദുലമായ കാറ്റില്‍ കൊഴിഞ്ഞു വീണ ഇലകള്‍ക്കും പൂക്കള്‍ക്കും നോവല്‍ എല്ക്കാതെ വേഗം കുറഞ്ഞ കാലടികളാല്‍ നടന്നു അവയോട് സംവദിച്ചിരുന്നു. രാവിലെ ഉണര്‍ത്തു പാട്ട് പാടുന്ന കിളികള്‍ എന്‍റെ കൂട്ടുകാരായി മാറി. ആ ദിവസങ്ങളില്‍ ബാല്യകാലത്തിലെക്കുള്ള മടങ്ങിപോക്ക് എനിക്ക് സാധ്യമായിരുന്നു. പണ്ടു, കയ്യാലകളില്‍ പറ്റിപിടിച്ചു വളരുന്ന ചെടികളില്‍ തങ്ങി നില്ക്കുന്ന ഇളം കുളിരുള്ള ജലബാഷ്പങ്ങള്‍ ശ്രദ്ധയോടെ മിഴികള്‍ക്കുള്ളിലാക്കിയിട്ടു ഞാന്‍ കരയുകയാണ് എന്ന് പറഞ്ഞു കൂട്ടുകാരെ പറ്റിക്കുകയും ചിലപ്പോള്‍ അവരാല്‍ പറ്റിക്കപ്പെടുകയും ചെയ്ത നാളുകള്‍. പക്ഷെ കാലങ്ങള്‍ക്കിപ്പുറം ഈ പ്രഭാത സവാരികള്‍ക്ക് എന്‍റെ നിഴല്‍ പോലും കൂട്ടുണ്ടായിരുന്നില്ല.

എന്നാലിന്ന് ഞാന്‍ ഡിസംബറിന്റെ പുലരികള്‍ ഇഷ്ട്ടപെടുന്നില്ല . അതിനു കാരണമുണ്ട് . കഴിഞ്ഞ ഡിസംബറും ഞാന്‍ കൊതിച്ചിരുന്ന, സ്വപ്നം കണ്ടിരുന്ന പുലരികള്‍ എനിക്ക് സമ്മാനിച്ചിരുന്നു. ആ പുലരികളില്‍ ഒന്നിലാണ് എന്റെ പ്രിയ സുഹൃത്ത് ജീവിതത്തിന്റെ അവസാന അദ്ധ്യായവും എഴുതി തീര്‍ത്ത്‌ മഷിയുണങ്ങാത്ത പേനയുമായി ഈ ലോകത്തിന്റെ പടിപ്പുരയ്ക്കു വെളിയിലേക്ക് കല്‍പ്പടവുകളിറങ്ങി നടന്നു പോയത്.... ഡിസംബര്‍ എന്നോട് കാണിച്ച അനീതി.....!

ഓ! ഞാന്‍ പറയാന്‍ മറന്നു . എന്റെ സുഹൃത്തിനെ കുറിച്ചു. തലയില്‍ അനുസരിക്കാത്ത മുടികളും , കുറ്റി മീശയും , എപ്പോഴും വിഷമം മാത്രം നിഴലിക്കുന്ന വെള്ളാരം കല്ലുകള്‍ പോലെയുള്ള കണ്ണുകളും , അവന് ഒരു പ്രത്യേക ആകര്‍ഷണം നല്‍കിയിരുന്നു. സ്കൂള്‍ ജീവിതത്തിന്‍റെ അവസാന നാളുകളില്‍ മനസ്സില്‍ സ്ഫടികം പോലെ സൂക്ഷിച്ചിരുന്ന ഒരു പ്രേമബന്ധം താഴെ വീണു ചിന്നി ചിതറിയത് വേദനയോടെ അംഗീകരിച്ച എന്റെ പ്രിയ കൂട്ടുകാരന്‍. ആ സംഭവത്തിനു ശേഷമാണെന്ന് തോന്നുന്നു , സ്വതേ പ്രകാശം പരത്തിയിരുന്ന അവന്റെ കണ്ണുകള്‍ക്ക്‌ മേല്‍ വിഷാദത്തിന്റെ സ്ഥായിയായ ഭാവം കാര്‍മേഘം പോലെ വന്നു മൂടിയത്. കാലം പിന്നിടുമ്പോള്‍ അതിന്റെ തീവ്രത കൂടിയതല്ലാതെ ഒട്ടും കുറഞ്ഞിരുന്നില്ല.



പൊതുവെ ആത്മാര്‍ത്ഥ സുഹൃത്തുക്കളുടെ ചിന്തകള്‍ പലപ്പോഴും ഒരുപോലെയായിരിക്കും. എന്നാല്‍ ഞങ്ങള്‍ വ്യത്യസ്തരായിരുന്നു. ഇരു ധ്രുവങ്ങളില്‍ ആയിരുന്നു ഞങ്ങള്‍. ഞങ്ങള്‍ സ്വപ്നങ്ങള്‍ക്ക് വെവ്വേറെ വര്‍ണങ്ങളാണ് ചാലിച്ചത്. ഞങ്ങളുടെ ചിന്തകളും വേറിട്ടതായിരുന്നു. പ്രേമം ദൈവികമാണെന്ന് ഞാന്‍ പറഞ്ഞപ്പോള്‍ അവന്റെ കാഴ്ചപ്പാടില്‍ പ്രേമം പൈശാചികമായിരുന്നു.


"നീയെനിക്കെന്‍ നെഞ്ചിന്‍ രാഗ താളം ,
നീയെനിക്കെന്നുടെ ആത്മ മോഹം,
നിന്‍ ചിരിയെന്നുടെ വെന്പുലരി ,
നിന്നോര്‍മ്മ എനിക്കെന്നും ജീവവായു"


നാല് രാവുകളും പകലുകളും നീണ്ട പരിശ്രമങ്ങള്‍ക്ക് ഒടുവില്‍ , എന്റെ കൌമാര സ്വപ്നങ്ങളിലെ നായികയെ പറ്റി , വളരെയധികം വെട്ടലുകള്‍ക്കും തിരുത്തലുകള്‍ക്കും ശേഷം എഴുതിയുണ്ടാക്കിയ ഈ നാലുവരി കവിത ഒരിക്കല്‍ മടിച്ചു മടിച്ചു ഞാനവനെ കാണിച്ചു. പടിഞ്ഞാറന്‍ ചക്രവാളത്തിലെ ചുവന്ന സന്ധ്യാ ദീപവും നോക്കി എന്തൊക്കെയോ സ്വപ്നം കണ്ടിരുന്ന അവന്‍ അത് വാങ്ങി വരികളില്‍ കൂടി കണ്ണോടിച്ചു. പൊതുവെ വിഷമ ഭാവം മുറ്റി നിന്നിരുന്ന ആ കണ്ണുകളില്‍ ക്രൂരമായ ഒരു സങ്കടം നിഴലിക്കുന്നത് ഭീതിയോടെ ഞാന്‍ കണ്ടു. യാതൊരു ദാക്ഷിണ്യവും കൂടാതെ ആ നാലുവരി കവിതയടങ്ങിയ പേപ്പര്‍ വലിച്ചു കീറി അവനത് കാറ്റില്‍ പറത്തി. ഒരു ഇരയെ കിട്ടാന്‍ കാത്തിരുന്നത് പോലെ ചിതറിപ്പോയ എന്റെ സൃഷ്ടിയെയും കൊണ്ടു ദൂരെക്ക് പറന്നകന്ന പടിഞ്ഞാറന്‍ കാറ്റിനെ പിടിച്ചു നിര്‍ത്താനാവാതെ നിസഹായനായി ഞാന്‍ നോക്കി നില്‍ക്കെ അവനിങ്ങനെ പറഞ്ഞു..


" പ്രേമം, പ്രേമത്തിനു താളമില്ല. ഉണ്ടെങ്കില്‍ തന്നെ മരണതാളമാണ്. പ്രേമത്തിന്റെ മാളിക ശ്മശാനമാണ് . ചുടല പറമ്പിലെ തീയില്‍ പ്രേമവും അതിന്റെ വക്താക്കളും എരിഞ്ഞടങ്ങും. എനിക്ക് പുച്ച്ചമാണ് , പ്രേമത്തെയും പ്രേമിക്കുന്നവരെയും. ഈ ലോകത്തില്‍ യുദാസിനെക്കാള്‍ ഞാനവരെ വെറുക്കുന്നു".


പിന്നെയും അവന്‍ എന്തൊക്കെയോ പുലമ്പിക്കൊണ്ടിരുന്നു. ഒടുവില്‍ പരിക്ഷീണനായ എന്റെ സുഹൃതിനേം താങ്ങി പിടിച്ചു മലയടിവാരത്തില്‍ കൂടി മടങ്ങവേ എന്റെ കാതിലവന്‍ മന്ത്രിച്ചു....


"കൂട്ടുകാരാ, നീ ഒരാളെയും പ്രേമിക്കരുത്. തകരും , തീര്ച്ചയായും തകരണം. എരിതീയില്‍ വെന്തടങ്ങുന്ന രണ്ടു ഈയാം പാറ്റകളായി നിങ്ങള്‍ മാറും..!"
പക്ഷെ ദുരന്ത പ്രണയകഥയിലെ നായകന്റെ ആപ്തവിലാപങ്ങളായി മാത്രം കണ്ടു ഞാനത് തള്ളിക്കളഞ്ഞു.



മറ്റൊരിക്കല്‍ ലോകത്തില്‍ വെച്ചേറ്റവും സുന്ദരികളെ കാണുന്നതെവിടെ എന്നതിനെ ചൊല്ലി ഞങ്ങള്‍ തമ്മില്‍ തര്‍ക്കമുണ്ടായി. പ്രഭാതാരാധനയും കഴിഞ്ഞു കയ്യിളിലത്താളില്‍ ഭഗവാന്റെ പ്രസാദവും നെറ്റിയില്‍ ചന്ദന കുറിയുമായി അമ്പലത്തിന്റെ പടവുകളിറങ്ങി വരുന്ന പെണ്‍കുട്ടികളില്‍ അലൌകികമായ സൌന്ദര്യം ഞാന്‍ ദര്ശിച്ചപ്പോള്‍ അവന്‍ അതിനെ എതിര്‍ത്തു. ഞായറാഴ്ച കാലത്തു തലയില്‍ നേര്ത്ത ശിരോവസ്ത്രവും ധരിച്ചു റബ്ബര്‍ മരങ്ങള്‍ക്കിടയില്‍ കൂടി അരിച്ചിറങ്ങുന്ന സൂര്യ കിരണങ്ങളുടെ ചൂടും ഏറ്റു പള്ളിമെടയിലേക്ക് നടക്കുന്ന ക്രിസ്ത്യാനി പെണ്‍കുട്ടികളില്‍ അവന്‍ സൌന്ദര്യം കണ്ടെത്തി.



ഞാന്‍ പറഞ്ഞില്ലേ, വ്യതാസങ്ങളുടെ പ്രതീകങ്ങള്‍ ആയിരുന്നു ഞങ്ങള്‍. രണ്ടു പേരെയും തമ്മില്‍ ബന്ധിപ്പിച്ചിരുന്നതും ഇതേ വ്യത്യസ്തമായ കാഴ്ചപ്പാടുകള്‍ ആയിരുന്നു. അതൊരിക്കലും ആടാനോ അടരാനോ ഞങ്ങള്‍ സമ്മതിച്ചില്ല. അങ്ങനെയുള്ള എന്റെ സുഹൃത്തിനെയും കൂട്ട് പിടിച്ചാണ് കഴിഞ്ഞ വര്ഷം തനിയെ വന്ന ഡിസംബര്‍ മടങ്ങിയത്. ഇവിടെ രംഗബോധമില്ലാത്ത കോമാളിയായ്‌ എന്റെ പ്രിയപ്പെട്ട ഡിസംബര്‍ , നീ മാറുകയായിരുന്നു.........!!!!!!!!



ആര്ക്കും വേണ്ടി കാത്തു നില്‍ക്കാതെ ദിനരാത്രങ്ങള്‍ വന്നു പൊയ്ക്കൊണ്ടിരുന്നു. അവന്റെ വേര്പാട് സൃഷ്ടിച്ച ശൂന്യതയില്‍ നിന്നു വെളിയിലരങ്ങാന്‍ ഞാന്‍ കുറെ ശ്രമിച്ചു. 


അന്നെന്റെ കവിതയടങ്ങിയ കടലാസ് കീറി കാറ്റില്‍ പറത്തി അവന്‍ എന്നോട് പറഞ്ഞ വാക്കുകള്‍ ഞാനൊരു വെല്ലുവിളിയായ് സ്വീകരിച്ചു. ഞാനുമൊരു പെണ്‍കുട്ടിയെ പ്രണയിക്കുവാന്‍ ആരംഭിച്ചു. പ്രണയം എന്നതിലുപരി ആരാധന എന്ന വാക്കാണ്‌ കൂടുതല്‍ ചേരുക. അവളുടെ മനസിലെന്താണെന്ന് ഞാന്‍ അറിഞ്ഞിരുന്നില്ല. അറിയാന്‍ ആഗ്രഹിച്ചിരുന്നില്ല എന്നതാണ് സത്യം. എന്റെ കൂട്ടുകാരന്റെ മുന്‍പില്‍ ഒരു തവണയെങ്കിലും ജയിക്കണം . അത് മാത്രമായിരുന്നു എന്റെ മനസ്സില്‍.
അവള്‍ സുന്ദരിയായിരുന്നു. പക്ഷെ ഞങ്ങള്‍ സുഹൃത്തുക്കള്‍ വാദിച്ചത് പോലെ നെറ്റിയില്‍ ചന്ദന കുറിയോ, തലയില്‍ ശിരോ വസ്ത്രമോ ഇല്ലായിരുന്നു. എന്റെ കൌമാര സ്വപ്നങ്ങളിലെ നായികയെ പറ്റി നാല് വരി കവിതയെഴുതാന്‍ നാല് നാളെടുത്ത ഞാന്‍ പുതിയ പ്രണയിനിയെ പറ്റി ദിനം തോറും കവിതയെഴുതിക്കൊണ്ടിരുന്നു. ഭ്രമകല്‍പ്പനയുടെ ച്ചുഴികള്‍ക്കുള്ളില്‍ അകപ്പെട്ടു പോയ മനസ് യാഥാര്‍ത്ഥ്യത്തിന്റെ തീരത്ത് നിന്നു ഏറെ അകന്നു കഴിഞ്ഞിരുന്നു. വര്‍ത്തമാന കാലത്തിന്റെ ചൂളം വിളികേട്ടു ഞാന്‍ ഉണര്‍ന്നപ്പോഴേക്കും , ഞാന്‍ എന്നിലെ എന്നെ ഉണര്‍ത്തിയപ്പോഴേക്കും ഏറെ വൈകിയിരുന്നു. അപ്പോഴേക്കും എന്റെ സ്വപ്നങ്ങളിലെ നിശാഗന്ധി കൊഴിഞ്ഞിരുന്നു. എന്നെ ഏറെ നാള്‍ ഉന്മത്തനാക്കിയ ആ സുഗന്ധത്തിനും തീവ്രത കുറഞ്ഞിരുന്നു.


 അങ്ങനെ എന്റെ കൂട്ടുകാരന്‍ പറഞ്ഞതു പോലെ എന്റെ പ്രേമവും അതിലെ കഥാപാത്രങ്ങളും അവയുടെ സ്വപ്നങ്ങളും ചുടല പറമ്പിലെ തീയില്‍ വീണു വെന്തു വെണ്ണീറായി.



ഒടുവില്‍ അനിവാര്യമായ അവസാനം വന്നു ചേര്ന്ന ദിവസം, ഞാനെഴുതിയ കവിതകളെല്ലാം കൂട്ടിയിട്ട്‌ കത്തിച്ചു ആ ചാരം വളമാക്കി ഒരു റോസാ ചെടി നട്ടു. എന്നിട്ട് അടുത്ത ഡിസംബര്‍ വരുന്നതും നോക്കി കാത്തിരുന്നു. പഴയതു പോലെ തണുത്ത പ്രഭാതങ്ങള്‍ക്ക് വേണ്ടി ആയിരുന്നില്ല. പകരം എന്റെ പ്രേമം ചുട്ടെരിച്ചു ആ ചാരം വളമാക്കിയ പനിനീര്‍ ചെടിയില്‍ നിന്നും പാതി വിടര്‍ന്ന ഒരു റോസാ പുഷ്പം അടര്‍ത്തി, അവനെ അടക്കം ചെയ്ത മാര്‍ബിള്‍ ശിലക്ക് മുകളില്‍ വെച്ചു എന്റെ പരാജയം സമ്മതിക്കുവാന്‍ വേണ്ടി മാത്രം.......................!

Friday, March 2, 2012

നരേന്ദ്രന്‍ നായര്‍ - പുതിയ NSS പ്രസിഡന്റ്‌

"പിഎന്‍ നരേന്ദ്രനാഥന്‍ നായര്‍ നായര്‍ സര്‍വ്വീസ് സൊസൈറ്റിയുടെ പുതിയ പ്രസിഡന്റ് സ്ഥാനത്തേക്ക് തിരഞ്ഞെടുക്കപ്പെട്ടു."

വളരെ സന്തോഷം തോന്നി, ഈ വാര്‍ത്ത‍ കണ്ടപ്പോള്‍...

വ്യക്തിപരമായ ഒരു ആവശ്യത്തിനു വേണ്ടി, ഈ അടുത്ത കാലത്ത് നരേന്ദ്രന്‍ സാറിനെ കാണുവാനുള്ള ഒരു അവസരം ഉണ്ടായി. പത്തനംതിട്ട നഗരത്തില്‍ കൂടി കുറച്ചു കറങ്ങേണ്ടി വന്നെങ്കിലും, ഒടുവില്‍  വീട് കണ്ടു പിടിച്ചു എത്തുമ്പോഴേക്കും, നേരത്തെ പറഞ്ഞുറപ്പിച്ചിരുന്ന സമയം അതിക്രമിച്ചിരുന്നു. എവിടെയോ യാത്ര പുറപ്പെടാനുള്ള തിരക്കിലായിരുന്നു അദ്ദേഹം. ഞങ്ങള്‍ മൂന്നു പേരില്‍ ഒരാള്‍ മാത്രമാണ് അദ്ദേഹത്തിനെ മുന്‍പ് കണ്ടിട്ടുള്ളതെങ്കിലും, ഹൃദ്യമായ സ്വീകരണമായിരുന്നു. യാത്രയ്ക്കുള്ള തയാറെടുപ്പിനിടയിലും, യാതൊരു മുഷിവും കൂടാതെ അദ്ദേഹം കാര്യം അന്വേഷിച്ചു. 

കൂട്ടത്തില്‍ ഏറ്റവും പ്രായം കുറവുള്ള ആള്‍ ഞാനായിരുന്നതിനാല്‍, സ്വീകരണ മുറിയുടെ വാതിലിന്നരികിലായി ഞാന്‍ നിന്നു. "വരൂ, ഇരിക്കൂ കുട്ടി!" അദ്ദേഹം പറഞ്ഞു. 'നല്ല പ്രയോഗം', ഞാന്‍ മനസിലോര്‍ത്തു. ഒരിക്കല്‍ കൂടി കേള്‍ക്കാനായി, കൂടുതല്‍ വിനയം വരുത്തി ഞാന്‍ അവിടെ തന്നെ ഒതുങ്ങി നിന്നു. "ഇരിക്കൂ കുട്ടി..." അദ്ദേഹം വീണ്ടും പറഞ്ഞു. ഞാന്‍ ഇരുന്നു, മുതിര്‍ന്നവര്‍ പറയുന്നത് ശ്രദ്ധിച്ചു കൊണ്ട്. സമയക്കുറവു മൂലം ധൃതിയില്‍ കാര്യം അവതരിപ്പിച്ചു ഞങ്ങള്‍ പോകുവാനായി എഴുന്നേറ്റു. ഒടുവില്‍ നന്ദിയും പറഞ്ഞു ഞങ്ങള്‍ ഇറങ്ങി.

വന്ന കാര്യം നടന്നില്ലെങ്കിലും, അദ്ദേഹത്തിന്റെ ഊഷ്മളമായ സ്വീകരണത്തിലും, സാത്വികമായ പെരുമാറ്റത്തിലും എനിക്ക് വളരെ സന്തോഷം തോന്നി. തിരിച്ചു വരുന്ന വഴി, വണ്ടിയിലിരുന്നു മറ്റു രണ്ടു പേര്‍ പറയുന്നുണ്ടായിരുന്നു; അടുത്ത NSS പ്രസിഡന്റ്‌ ഒരു പക്ഷെ നരേന്ദ്രന്‍ സാര്‍ ആയിരിക്കുമെന്ന്. അത് സത്യമായി ഭാവിച്ചു.

അദ്ദേഹത്തിനു എല്ലാ വിധ ഭാവുകങ്ങളും നേരുന്നു. 

Thursday, March 1, 2012

മഴ


"ഹോ...! ഈ മഴ ഇത്രേം നേരം നീണ്ടു നില്‍ക്കുമെന്ന് ഒരിക്കലും കരുതിയില്ല...." എന്ന ആത്മഗതത്തോടെ കുടിച്ചു തീര്‍ത്ത ചായ ഗ്ലാസ്‌ അയാള്‍ ആ കടയിലെ ബഞ്ചിന്മേല്‍ വെച്ചു. മുക്കാലും എരിഞ്ഞടങ്ങിയ സിഗരട്ട് ഇടതു കയ്യിലെ വിരലുകള്‍ക്കിടയില്‍ അപ്പോഴും വിശ്രമിക്കുന്നുണ്ടായിരുന്നു. അവസാന പുകയും വലിച്ചിറക്കി പുറത്തേക്കു വിട്ടു ഇനിയും കെട്ടടങ്ങാത്ത സിഗരട്ട് കുറ്റി ചാലായി മാറിയ മഴവെള്ളത്തില്‍ വലിച്ചെറിഞ്ഞു വേറൊരു ചായ കൂടി ഓര്‍ഡര്‍ ചെയ്തു.


"ഇതെന്തായാലും തോര്‍ന്നിട്ടെ റൂമിലേക്ക്‌ നടക്കാന്‍ പറ്റുകയുള്ളൂ." അയാള്‍ മനസ്സില്‍ കരുതി. അവിടെ ചെന്നിട്ടും അയാള്‍ക്ക് പ്രത്യേകിച്ച് ഒന്നും ചെയ്യാനുണ്ടായിരുന്നില്ല. നിശ്വാസ വായുവിനും പോലും പങ്കിന്റെ കണക്കു പറയുന്ന സഹമുറിയന്‍ മാത്രമാണ് അവിടെയുള്ളത്.പിന്നെ നിറയെ മൂട്ടയുള്ള ഒരു ഇരുമ്പു കട്ടിലും.  

പുതിയ ചായയിലെ പത ഒരു പ്രത്യേക താളത്തില്‍ ഊതി മാറ്റി ഒരു കവിള്‍ വലിച്ചു കുടിച്ചു, ആരോടൊക്കെയോ പ്രതികാരം തീര്‍ക്കാനെന്ന വണ്ണം ഇടമുറിയാതെ മഴയെ പെയ്യിക്കുന്ന മാനത്തേയ്ക്ക് അയാള്‍ കുറെ നേരം നോക്കിയിരുന്നു. ഈ മഴത്തുള്ളികള്‍ എന്നെ പോലെ തന്നെയാണ്. ചോദിക്കാനും പറയാനും ആരുമില്ല. പിടി വിട്ടു പോയാല്‍ നേരെ താഴോട്ടു. എവിടെയെങ്കിലും ചെന്ന് വീണാല്‍ പിന്നെ എല്ലാം സ്വന്തം ഇഷ്ടം. എങ്ങോട്ട് വേണമെങ്കിലും പോവാം. ആരും തടയില്ല. ഒരു പക്ഷെ തടഞ്ഞാല്‍ തന്നെ എത്ര നാള്‍. ചിലര്‍ക്ക് ഇഷ്ടമാണ്. മറ്റു ചിലര്‍ക്ക് തീരാ ദുരിതങ്ങളും സമ്മാനിക്കും. ഒടുവില്‍ ഓടി ചാടി കിതച്ചെത്തി സമുദ്രത്തിന്റെ ഏതോ കോണില്‍ പോയൊളിക്കും. എല്ലാം അവിടെം കൊണ്ടാവസാനിക്കും. 

ഈ മഴത്തുള്ളികള്‍ക്കും സ്വന്തമായി ആരെങ്കിലും കാണുമോ. വീട്ടില്‍ അച്ഛന്‍, അമ്മ, സഹോദരങ്ങള്‍... അങ്ങനെ ആരെങ്ങിലും... ഉണ്ടെങ്കില്‍ തന്നെ അവരിപ്പോ എവിടെ ആയിരിക്കും. താഴേക്കു വീഴാന്‍ ഊഴവും കാത്തു മുകളില്‍ നില്‍പ്പാണോ. അതോ ഇവര്‍ കുടുംബമായാണോ താഴേക്കു പതിക്കുന്നത്. ആണെങ്ങില്‍ തന്നെ ഇവരെല്ലാം പിന്നീട് കണ്ടു മുട്ടുമോ. ആര്‍ക്കറിയാം.

കവികളെല്ലാം തന്നെ മഴയെ വര്‍ണിച്ചു പാടിയിട്ടുണ്ടല്ലോ. കൂടുതലും പ്രണയത്തിന്റെ വര്‍ണങ്ങളില്‍ ചാലിച്ച്. അങ്ങനെയെങ്കില്‍ മഴയ്ക്ക് പ്രണയം കാണുമോ? ഉണ്ടെങ്കില്‍ ആരോട്? പോകരുതെയു‌ന്നു കണ്ണുകളാല്‍ പറയുന്ന കാമുകിയുടെ കൈവിരല്‍ പതുക്കെ അടര്‍ത്തി മാറ്റിയായിരിക്കുമോ ഇവര്‍ കവികളെ പ്രണയത്തിന്റെ ഭാവന വിരിയിക്കാന്‍ താഴെക്കെത്തുന്നത്. ഇവര്‍ പിന്നീട് തങ്ങളുടെ പാതിജീവനെ കണ്ടെത്തുമോ. സമുദ്രത്തിന്റെ അടിതട്ടിലായിരിക്കുമോ അവര്‍ വീണ്ടും ഒത്തു ചേരുന്നത്? അങ്ങനെയാണെങ്കില്‍ അപ്പോഴേക്കും അവര്‍ മരിച്ചു കാണില്ലേ...?

അങ്ങനെ ചിന്തകളില്‍ കൂടി സഞ്ചരിച്ചു അയാള്‍ മലയോരത്തുള്ള ഒരു നാട്ടിലെത്തി ചേര്‍ന്നു. ഇവിടെ എല്ലാം എനിക്ക് പരിചിതം. തെങ്ങിന്‍ തോപ്പും, പീടികകളും, വയലും, വരമ്പും കടന്നു ശരവേഗത്തില്‍ അയാളുടെ മനസ് നിരവധി പടവുകള്‍ കയറിയാല്‍ മാത്രം എത്തുന്ന പള്ളിമുറ്റത്തെ നെല്ലിമരത്തിന്റെ ചോട്ടില്‍ വിശ്രമിച്ചു. പോകരുതെയെന്നു പറയാന്‍ ഒരു ജോഡി നിറഞ്ഞ കണ്ണുകള്‍ അയാളെ കാത്തു അവിടെയുണ്ടായിരുന്നു. രണ്ടു പേരും ഒന്നും സംസാരിക്കുന്നുണ്ടായിരുന്നില്ല. പക്ഷെ അവര്‍ക്കറിയാമായിരുന്നു, ഈ യാത്ര തങ്ങള്‍ക്കിടയിലെ അകലം കൂട്ടുകയെ ചെയ്യൂ എന്ന്. എങ്കിലും അവര്‍ പിരിയാന്‍ കൂട്ടാക്കിയില്ല. ഞാന്‍ പെട്ടന്ന് തിരിച്ചു വരും എന്ന ആശ്വാസ വാക്ക് പറയാന്‍ അയാള്‍ക്ക്‌ ധൈര്യം ഇല്ലായിരുന്നു.

എന്ത് ഉറപ്പാണ് ഞാന്‍ ഇവള്‍ക്ക് കൊടുക്കേണ്ടത്. അയാള്‍ക്ക്‌ നിശ്ചയം ഉണ്ടായിരുന്നില്ല. ഒടുവില്‍ തങ്ങളുടെ മുഖങ്ങള്‍ക്കിടയില്‍ കൂടി അസ്തമയ സൂര്യന്റെ നേര്‍ രേഖകള്‍ കടന്നു പോകാന്‍ തുടങ്ങിയപ്പോഴാണ് തനിക്കു പോകാനുള്ള സമയം അതിക്രമിച്ചിരിക്കുന്നു എന്നയാള്‍ക്ക് മനസിലായത്. മടിക്കുത്തില്‍ നിന്നും ഒരു പൊതി അയാള്‍ എടുത്തഴിച്ചു. ഒരു ജോഡി പാദസരങ്ങള്‍...! അത് അയാള്‍ അവളുടെ കാലുകളില്‍ അണിയിച്ചു. അന്നേരം മുഴുവന്‍ അവളുടെ കണ്ണുനീര്‍ ഒരു മഴയായ്‌ അയാളുടെ ശിരസ്സില്‍ പെയ്തു കൊണ്ടേയിരുന്നു..............

"ആ ഗ്ലാസ്‌ ഇങ്ങു തരൂ മാഷേ........." ചായ കടക്കാരന്റെ വാക്കുകളാണ് അയാളെ ചിന്തയില്‍ നിന്നും ഉണര്‍ത്തിയത്..... "ഇവിടെ കുറെ പേര്‍ക്ക് ഇനിയും ചായ കൊടുക്കനുള്ളതാ.... മാഷിനു വേണോ ഇനീം? " ശരിയാണ്. കടയ്ക്കുള്ളില്‍ മോശമല്ലാത്ത തിരക്കുണ്ട്‌. മഴയില്‍ നിന്ന് രക്ഷപെടാന്‍ കയറി നില്‍ക്കുന്നവരാണധികവും. "മതി, ഇനി വേണ്ട..." അയാള്‍ ഗ്ലാസ്‌ മടക്കി കൊടുത്തു.

മഴയുടെ കനം കുറഞ്ഞിട്ടുണ്ട്. അല്‍പ നേരം കൂടി ക്ഷമിച്ചാല്‍ നനയാതെ റൂമിലെത്താം. അയാള്‍ ചുറ്റു പാടും ഒന്ന് നോക്കി. കഷ്ടിച്ച് പത്തു പേര്‍ക്ക് ഇരിക്കാവുന്ന കടയില്‍ ഇപ്പോള്‍ തന്നെ ഡബിള്‍ ആള്‍ക്കാര്‍ ഉണ്ട്. എന്തായാലും നിനച്ചിരിക്കാതെയുള്ള മഴ കാരണം ചായക്കടക്കാരന് കോളായി...!

പെട്ടെന്നാണ്‌ അയാള്‍ അത് ശ്രദ്ധിച്ചത്. ഒരു ജോഡി കണ്ണുകള്‍ തന്നെ തന്നെ നോക്കുന്നു. അതെ......! അതെ കണ്ണുകള്‍........ ഒരിക്കല്‍ തന്നോടു പോകരുതെയെന്നു കെഞ്ചിയ കണ്ണുകള്‍.. അയാള്‍ക്ക്‌ വിശ്വസിക്കാന്‍ സാധിച്ചില്ല. ഇത് അവള്‍ ആവരുതെയെന്നു പ്രാര്‍ത്ഥിച്ചു. ഇല്ല അവള്‍ തന്നെ. അവളെന്നെ തിരിച്ചറിഞ്ഞിരിക്കുന്നു. കപട കാമുകന്റെ മുഖം മൂടി അഴിഞ്ഞു വീഴുകയാണോ. ഇല്ല അവള്‍ക്കയാളെ അങ്ങനെ കാണാന്‍ കഴിയില്ല. ഇതൊന്നും അയാളുടെ തെറ്റല്ലല്ലോ.... ആ കണ്ണുകളിലെ ദുഃഖ ഭാവത്തിനു ഇനിയും ശമനമായില്ലേ. പെട്ടെന്നൊരു കൈ അവളുടെ നോട്ടത്തെ വഴി മാറ്റി. ആരോ അവളെ വിളിക്കുകയാണ്‌. ആരാണയാള്‍.. .. താന്‍ കണ്ടിട്ടില്ല... തങ്ങളുടെ നാട്ടുകാരനുമല്ല.. പിന്നെ.... ഭര്‍ത്താവായിരിക്കും.. അങ്ങനെ തന്നെ ആയിരിക്കണേ... അല്ലെങ്കില്‍ ഇത്ര സ്വാതന്ത്ര്യത്തോടെ അവളുടെ കൈ കടന്നു പിടിക്കുന്നതാര്??.. അതെ ഭര്‍ത്താവ് തന്നെ........... 
അവര്‍ പോവാനിറങ്ങി. ഒരിക്കല്‍ കൂടി അവള്‍ തിരിഞ്ഞു നോക്കി. റോഡിലിറങ്ങി സാരി നനയാതെ അല്പം ഉയര്‍ത്തി പിടിച്ചു അവള്‍ നടന്നകന്നു. ആ പാദസരം വെണ്മ മങ്ങാതെ അപ്പോഴും ആ കാലുകള്‍ക്ക് അലങ്കാരമായി തന്നെ ഉണ്ടായിരുന്നു..................


മഴ തോര്‍ന്നു. അയാളിറങ്ങി റൂമിലേക്ക്‌ നടന്നു....!!!!!!!


പിന്തുടരുന്നവര്‍

സന്ദര്‍ശകര്‍

ഇന്ന്

ട്വിറ്റെര്‍

Follow PrasanthGJ on Twitter