Sunday, July 15, 2012

കാലുമാറ്റം 2012 റീലോടെഡ്

ശെല്‍വരാജിനെ കൂടാതെ മറ്റു മൂന്നു സി.പി.എം എം.എല്‍.എ മാര്‍ കൂടി യു.ഡി.എഫ് ലേക്ക് വരാന്‍ തയ്യാറായിരുന്നു എന്ന് പി.സി.ജോര്‍ജ്. ഉമ്മന്‍ ചാണ്ടി എതിര്‍ത്തത് മൂലമാണ് അത് നടക്കാതെ പോയതെന്നും ജോര്‍ജ് കൂട്ടിച്ചേര്‍ത്തു. 
                ഈ പ്രസ്താവനയും നടത്തി പോത്തിറച്ചി ഉലത്തിയതും കഴിച്ചു ജോര്‍ജ് കൈ കഴുകുന്നതിന്‌ മുന്നേ, കണ്ണൂരിന്റെ രോമാഞ്ചം ഇ.പി. ജയരാജന്‍ അടുത്ത ബോംബ്‌ പൊട്ടിച്ചു. 
              പിറവം തിരഞ്ഞെടുപ്പിന് മുന്‍പ് തന്നെയും, മറ്റു മൂന്നു എം.എല്‍. എ മാരെയും എല്‍.ഡി.എഫ് ഇല്‍ എടുക്കെണമെന്ന ആവശ്യവുമായി പി.സി.ജോര്‍ജ് തങ്ങളെ സമീപിച്ചെന്നാണ് ജയരാജന്‍ മാസങ്ങള്‍ക്ക് ശേഷം ഓര്‍മയില്‍ നിന്നും കടമെടുത്തു പറഞ്ഞിരിക്കുന്നത്. രാഷ്ട്രീയ മര്യാദയ്ക്ക് (???? ഹ ഹ ഹാ) നിരക്കാത്തതിനാല്‍ തങ്ങള്‍ അത് വേണ്ടായെന്നു പറഞ്ഞെന്നും കോമ്രെട് ജയരാജന്‍ പറഞ്ഞു. ജയരാജനെ അവിശ്വസിക്കേണ്ട കാര്യമില്ല എന്ന് എങ്ങും തൊടാതെ പറഞ്ഞ് മുന്‍ പോലീസ് മന്ത്രി കോടിയേരിയും ആകാശത്തേയ്ക്ക് ഉണ്ടയില്ല വെടി വെച്ചിട്ടുണ്ട്.
                ഇതെല്ലാം ഇന്നലെ നടന്ന കാര്യങ്ങള്‍. പി.സി യും ഇ.പി യും കോടിയേരിയും ഒരു രാത്രി ഉറങ്ങിയുണര്‍ന്നു കോട്ടുവാ വിട്ടു വായ്‌ അടയ്ക്കുന്നതിന് മുന്നേ വീര ശൂരന്‍, നെയ്യാറ്റിന്‍കരയുടെ പൊന്നോമന ശെല്‍വരാജന്‍ നാടാര്‍ (ഹിന്ദു / ക്രിസ്ത്യന്‍) അടുത്ത പടക്ക കോട്ടയ്ക്കു തിരി കൊളുത്തി. തന്നെ കൂടാതെ ഇനിയും നാല് സി.പി.എം. എം. എല്‍.എ മാര്‍ കൂടി  യു.ഡി.എഫ് ലേക്ക് ചാടാന്‍ റെഡി ആയി നില്‍ക്കുകയാണ് എന്നാണു മുന്‍ സഖാവ് സെല്‍വരാജ് പറഞ്ഞിരിക്കുന്നത്.

ഇതിനിടയില്‍ ആരാലും ശ്രദ്ധിക്കപ്പെടാതെ  പോയ മറ്റൊരു സംഭവമുണ്ട്. പത്തനാപുരത്ത് കാരെ തിരോന്തരം എന്ന സ്ഥലമുണ്ടെന്നു (എന്നാണു മനോരമയിലെ അച്ചായന്മാര്‍ പറയുന്നത്) കാണിച്ചു കൊടുത്ത ശ്രീമാന്‍ ഗണേശനും, ചവറയിലെ വിപ്ലവകാരി ഷിബുവും ഇടത്തോട്ട് ചായാന്‍ മുട്ടി നില്‍ക്കുകയാണെന്നും, ഇത് മുന്‍കൂട്ടി അറിഞ്ഞ്ട്ടാണ് പി.സി.ജോര്‍ജ് വനം മന്ത്രിക്കെതിരെ സ്വഭാവ ദൂഷ്യം ആരോപണം ഉന്നയിച്ചതെന്നുമാണ് പിന്നാമ്പുറ സംസാരം. 

ചുമ്മാതാണോ, നാല് മാസം മുന്‍പ് തനിക്കും ഞരമ്പ് രോഗി പട്ടം ചാര്‍ത്തി തന്ന ഗണേശനെ പിന്തുണച്ചു വി.എസ് പ്രസ്താവന നടത്തിയത്!!!

2 comments:

Rajesh said...

രാഷ്ട്രീയം രാഷ്ട്ര നന്മയാണ് ലക്‌ഷ്യം, അതാണ്‌ ഒരു രാഷ്ട്രത്തിന്റെ പുരോഗതിയെ നിശ്ചയിക്കുന്നത്. ഏതായാലും ഒരു കാര്യം ഉറപ്പുആനു. കേരളത്തിന്‌ ഈ അടുത്ത കാലത്തൊന്നും രക്ഷയില്ല.

Rajesh said...
This comment has been removed by the author.

പിന്തുടരുന്നവര്‍

സന്ദര്‍ശകര്‍

ഇന്ന്

ട്വിറ്റെര്‍

Follow PrasanthGJ on Twitter